၁ တဖန်ဧလိဟု ဆက်၍ မြွက်ဆိုသည်ကား၊
၂ ငါ့ကိုသည်းခံပါလော့၊၊ အကျိုးအကြောင်းကို ငါပြဦးမည်၊၊ ဘုရား သခင်အဘို့ ပြောစရာရှိသေး၏၊၊
၃ ငါသည် ဝေးသော အရပ်က ကိုယ်ပညာကို ဆောင်ခဲ့မည်၊၊ ငါ့ကို ဖန်ဆင်းတော်မူ သော ဘုရားသခင်သည် ဖြောင့်မတ်တော်မူကြောင်းကို ငါပြမည်၊၊
၎ အကယ်စင်စစ် မမှန်သောစကားကို ငါမပြော၊၊ ပညာအတတ်စုံလင်သော သူသည် သင်၌ ရှိ၏၊၊
၅ ဘုရားသခင်သည် တန်ခိုးကြီးတော်မူ၏၊၊ သို့သော်လည်း မထီမဲ့မြင်ပြုတော်မမူတတ်၊၊ အစွမ်းသတ္တိ၊ ဥာဏ် သတ္တိနှင့်ပြည့်စုံတော်မူ၏၊၊
၆ မတရားသော သူတို့၏အသက်ကို စောင့်တော်မမူ၊၊ ဆင်းရဲခံရသော သူတို့ဘက်၌ တရားစီရင်တော်မူ၏၊၊
၇ ဖြောင့်မတ်သောသူတို့ကို ပမာဏမပြုဘဲနေတော်မမူ၊၊ ရှင်ဘုရင်နှင့်အတူ ရာဇပလ္လင်ပေါ်မှာ ထာဝရ နေရာချ၍ မြှောက်တော်မူ၏၊၊
၈ သူတို့သည် အကျဉ်းနေ၍ ဒုက္ခကြိုးနှင့် ချည်နှောင်ခြင်းကိုခံရလျှင်၊
၉ သူတို ပြုမိသော အမှုနှင့်ပြစ်မှားလွန်းကျူးမိသော အပြစ်များတို့ကို ပြဘော်မူ၏၊၊
၁၀ ဆုံးမသောစကားကို နားထောင်ချင်သော သဘောကိုသွင်းပေး၍ ဒုစရိုက်ကို စွန့်စေရမည်အကြောင်း ပညတ်တော်မူ၏၊၊
၁၁ စကားကို နားထောင်၍ အမှုတော်ကို ဆောင်ရွက်လျှင်၊ စည်းစိမ်းချမ်းသာနှင့် ပျော်မွေ့လျက်၊ နှစ်၊ လ၊ နေ့ရက်ကာလကို လွန်စေတတ်ကြ၏၊၊
၁၂ နားမထောင် လျှင် ထားဘေးနှင့်ဆုံး၍ ပညာအတတ်မရှိဘဲ သေတတ်ကြ၏၊၊
၁၃ အဓမ္မသဘောရှိသောသူတို့သည် အမျက်တော်ကို သိုထား တတ်ကြ၏၊၊ ချည်နှောင်တော်မူ သောအခါ မအော်ဟစ်တတ်ကြ၊၊
၁၄ အသက်ငယ်စဉ်ကပင်သေ၍၊ ဆိုးညစ်သော သူတို့နှင့် အတူ ဆုံးတတ် ကြ၏၊၊
၁၅ အမှုရောက်သော ဆင်းရဲသားတို့ကို ကယ်တင်တော်မူ၏၊၊ ညှဉ်းဆဲခြင်းကို ခံရသောအခါ နားထောင်စေခြင်းငှါ ပြုတော်မူ၏၊၊
၁၆ ထိုသို့သင့်ကိုလည်း ကျဉ်းမြောင်းသော အရပ်မှ ကျယ်ဝန်းရှင်းလင်းသောအရပ် သို့ပြောင်းစေ၍၊ သင်၏ စားပွဲပေါ်မှာ ကောင်းသောအရသာနှင့် ပြည့်စုံသောခဲဘွယ်စားဘွယ်ကို တင်ထားတော်မူလိမ့် မည်၊၊
၁၇ သို့မဟုတ် မတရားသောသူကဲ့သို့အပြစ်နှင့် ပြည့်စုံလျှင်၊ အပြစ်နှင့်ယှဉ်သောဒဏ်ကို ခံရမည်၊၊
၁၈ အမျက်တော်ထွက်တတ်သည် ဖြစ်၍၊ ဒဏ်ခတ်တော်မူ မည်ဟု စိုးရိမ်စရာရှိ၏။ အမှုရောက်မှများသော အဘိုးကို ပေးသော်လည်း ကိုယ်ကိုမရွေးမ နှုတ်နိုင်။
၁၉ သင်၏ဥစ္စာကို ပမာဏပြုတော်မူမည်လော၊၊ ရွှေကိုင်း၊ များစွာသောစည်းစိမ်ကိုင်း၊ ပေးချင်သော်လည်း ပမာဏပြုတော်မမူ၊၊
၂၀ ညဥ့်ကိုမတောင့်တနှင့်။ ညဥ့်အခါလူတို့သည် ပယ်ရှင်းခြင်းကို ခံရတတ်ကြ၏၊
၂၁ သတိပြုပါ၊၊ မတရားသောအမှုကို မငဲ့ကွက်နှင့်။ ထိုသို့သောအမှုကို ဆင်းရဲခြင်းထက် သင်သည် အလိုရှိလေပြီတကား။
၂၂ ဘုရားသခင်သည် တန်ခိုးတော်အားဖြင့် မြှောက်ခြင်းရှိတော်မူ၏၊၊ ဘုရားသခင်ကဲ့သို့ အဘယ်သူအုပ် ချုပ်နိုင်သနည်း၊၊
၂၃ ကြွတော်မူရသော လမ်းကိုအဘယ်သူ စီရင်သနည်း၊၊ ကိုယ်တော်သည် မတရားသော အမှုကိုပြုမိပြီ ဟု အဘယ်သူဆိုရာသနည်း၊၊
၂၄ လူတို့သည် ချီးမွမ်းအပ်သောအမှုတော်ကို မြှောက်ခြင်းငှါ သတိပြုလော့၊၊
၂၅ လူခပ်သိမ်းတို့သည် အမှုတော်ကို မြင်ကြ၏၊၊ အဝေးကကြည့်ရှုတတ်ကြ၏၊၊
၂၆ ဘုရားသခင်သည် ကြီးမြတ်တော်မူ၏၊၊ ငါတို့ သည် ဘုရားသခင်ကို မသိနိုင်၊၊ အသက်တော်နှစ်ပေါင်းကို စစ်၍ မကုန်နိုင်ကြ၊၊
၂၇ ရေကို သုန်ဖျင်းစေ၍ အထက်သို့ ဆွဲယူတော်မူသဖြင့် ရေငွေ့ရှိသည်အတိုင်း မိုဃ်းရွာတတ်၏၊၊
၂၈ မိုဃ်းတိမ်မှ လူတို့အပေါ်သို့ မိုဃ်းပေါက်ကျ၍ များစွာ သော မိုဃ်းရွာတတ်၏၊၊
၂၉ မိုဃ်းတိမ်တော်နှံ့ပြားခြင်း၊ တဲတော်အသံမြည်ခြင်းကို အဘယ်သူနားလည်သနည်း၊၊
၃၀ တဲတော်အပေါ်မှာ အလင်းတော်ကို ဖြန့်တော်မူ၏၊၊ သမုဒ္ဒရာ၌ အနက်ဆုံးသော အရပ်ကိုလည်း ဖုံးလွှမ်းတော်မူ၏၊
၃၁ ထိုသို့သောအားဖြင့် လူမျိုးတို့ကို တရားစီရင်တော်မူ၏၊၊ များစွာသော အစာအာဟာရကိုလည်း ပေးတော်မူ၏၊၊
၃၂ အလင်းကို လက်တော်နှင့် ကွယ်ကာ၍ တဖန်ရန်သူရှိရာသို့ လွှတ်တော်မူ၏၊၊
၃၃ ထိုသူမှစသော တိရစ္ဆာန်များနှင့် အပင်များကို အလိုတော်မရှိကြောင်း ထင်ရှား၏၊၊
