ယေရမိအနာဂတ္တိကျမ်း အခန်းကြီး ၃၇
၁ ဗာဗုလုန်ရှင်ဘုရင် နေဗုခဒ်နေဇာသည် ယုဒရှင်ဘုရင်အရာ၌ ခန့်ထားသော ယောယကိမ်သား ခေါနိအရာ၌၊ ယောရှိမင်းကြီး၏သား ဇေဒကိမင်းကြီးသည် နန်းထိုင်လေ၏။
၂ ထာဝရဘုရားသည် ယေရမိအားဖြင့် မိန့်တော်မူသော စကားတော်တို့ကို၊ ထိုမင်းကြီးအစရှိသော ကျွန်များ၊ ပြည်သူပြည်သားများ တို့သည် နားမထောင်ဘဲနေကြ၏။
၃ တရံရောအခါ ဇေဒကိမင်းကြီးသည်၊ ရှေလမိသား ယေဟုကလနှင့် ယဇ်ပုရောဟိတ်မာသေယသား ဇေဖနိတို့ကို ပရောဖက်ယေရမိထံသို့ စေလွှတ်၍၊ ငါတို့အဘို့ ငါတို့ဘုရားသခင် ထာဝရဘုရားအား ဆုတောင်းပါလော့ဟု မှာလိုက်၏။
၎ ထိုအခါ ယေရမိသည် ထောင်ထဲသို့မရောက်သေး။ လူများတို့နှင့် ပေါင်းဘော် လျက်နေသေး၏။
၅ ယေရုရှလင်မြို့သို့ဝိုင်းသော ခါလဒဲလူတို့သည်၊ အဲဂုတ္တုပြည်မှ ဖာရောဘုရင်၏ ဗိုလ်ခြေများ စစ်ချီ၍လာကြောင်းကို ကြားလျှင်၊ ထိုမြို့မှ ထွက်သွားကြပြီ။
၆ ထိုအခါ ထာဝရဘုရား၏ နှုတ်ကပတ်တော်သည် ပရောဖက်ယေရမိသို့ရောက်၍၊
၇ ဣသရေလအမျိုး၏ ဘုရားသခင်ထာဝရဘုရား မိန့်တော်မူသည်ကား၊ ငါ့ကိုမေးလျှောက် စေခြင်းငှါ၊ သင့်ကိုမှာလိုက်သော ယုဒရှင်ဘုရင်အား ဤသို့ပြန်ပြောလော့။ သင်တို့ကိုစစ်ကူခြင်းငှါ လာသောဖာရောဘုရင်၏ ဗိုလ်ခြေတို့သည် သူတို့နေရင်းအဲဂုတ္တုပြည်သို့ ပြန်သွားကြလိမ့်မည်။
၈ ခါလဒဲလူတို့သည် လာပြန်၍၊ ဤမြို့ကိုတိုက်ယူပြီးလျှင် မီးရှို့ကြလိမ့်မည်။
၉ ထာဝရဘုရား မိန့်တော်မူသည်ကား၊ အကယ်စင်စစ် ခါလဒဲလူတို့သည် ငါတို့ထံမှ ထွက်သွားကြလိမ့်မည်ဟု ဆို၍ ကိုယ်ကိုကိုယ်မလှည့်စားကြနှင့်။ သူတို့သည်ထွက်၍ မသွားရကြ။
၁၀ ထိုမျှမက၊ သင်တို့ကိုစစ်တိုက်သော ခါလဒဲစစ်သူရဲအပေါင်းတို့ကို သင်တို့သည်လုပ်ကြံသဖြင့်၊ သူတို့တွင် ဒဏ်ချက်ထိသောသူ သက်သက်ကျန်ကြွင်းသော်လည်း၊ သူတို့သည်အသီးအသီး မိမိတို့တဲ၌ထ၍၊ ဤမြို့ကို မီးရှို့ကြလိမ့်မည်ဟု မိန့်တော်မူ၏။
၁၁ ခါလဒဲစစ်သူရဲတို့သည် ဖာရောဘုရင်၏ ဗိုလ်ခြေတို့ကို ကြောက်ရွံ့၍၊ ယေရုရှလင်မြို့မှ ဆုတ်သွားကြသော အခါ၊
၁၂ ယေရမိသည် မိမိအမျိုး၌ မိမိအမွေဥစ္စာကို ခံအံ့သောငှါ၊ ဗင်္ယာမိန်ပြည်သို့ သွားမည်ဟု အကြံရှိ၍ ယေရုရှလင် မြို့မှ ထွက်သွားလေ၏။
၁၃ ဗင်္ယာမိန်တံခါးဝသို့ ရောက်သောအခါ၊ ဟာနနိသားဖြစ်သော ရှေလမိ၏သား ကင်းမှူး ဣရိယက၊ သင်သည် ခါလဒဲလူတို့ဘက်သို့ ကူးသွားပါသည်တကားဟု ဆိုလျက်၊ ပရောဖက်ယေရမိကို ဘမ်းဆီးလေ၏။
၁၄ ယေရမိကလည်း၊ မဟုတ်ပါ။ ခါလဒဲလူတို့ဘက်သို့ ငါမကူးမသွားပါဟု ဆိုသော်လည်း၊ ဣရိယသည် နားမထောင်ဘဲ၊ ယေရမိကိုယူ၍ မင်းများထံသို့ ပို့ဆောင်လေ၏။
၁၅ မင်းများတို့သည် အမျက်ထွက်၍ ယေရမိကို ရိုက်ပြီးမှ၊ စာရေးတော်ယောနသန်၏အိမ်၌ လှောင်ထားကြ၏။ ထိုအိမ်ကို လှောင်အိမ်လုပ်နှင့်သတည်း။
၁၆ ယေရမိသည် အိမ်အောက်မြေတွင်၊ လှောင်အိမ်ထဲသို့ရောက်၍၊ နေ့ရက်များစွာနေရသောနောက်၊
၁၇ ဇေဒကိမင်းကြီးသည် လူကိုစေလွှတ်၍ ယေရမိကိုနှုတ်ပြီးမှ၊ ထာဝရဘုရား၏ နှုတ်ကပတ်တော်ရှိသလောဟု နန်းတော်၌ တိတ်ဆိတ်စွာမေးမြန်းလျှင်၊ ယေရမိက၊ နှုတ်ကပတ်တော်ရှိပါ၏။ ကိုယ်တော်သည် ဗာဗုလုန်ရှင်ဘုရင် လက်သို့ ရောက်ပါလိမ့်မည်ဟု ပြန်လျှောက်၏။
၁၈ တဖန် ယေရမိက၊ အကျွန်ုပ်သည် ကိုယ်တော်ကိုပြစ်မှားသလော။ ကိုယ်တော်၏ကျွန်တို့ကို ပြစ်မှားသလော။ ဤလူမျိုးကိုပြစ်မှားသလော။ အဘယ်မည်သောအပြစ်ကြောင့် အကျွန်ုပ်ကို လှောင်ထားကြသနည်း။
၁၉ ဗာဗုလုန်ရှင်ဘုရင်သည် သင်တို့နှင့် ဤပြည်ကိုမတိုက်မလာရဟု ဟောပြောသော သင်တို့၏ပရောဖက်တို့သည် ယခုဘယ်မှာရှိကြသနည်း။
၂၀ သို့ဖြစ်၍၊ အကျွန်ုပ်သခင် အရှင်မင်းကြီး၊ နားထောင်တော်မူပါ။ အကျွန်ုပ်တောင်းပန် သောစကားကို နားခံတော်မူပါ။ အကျွန်ုပ်ကိုသေစေခြင်းငှါ၊ စာရေးတော်ယောနသန်အိမ်သို့ ပြန်စေတော်မမူပါနှင့်ဟု ဇေဒကိမင်းကြီးကို လျှောက်ဆို၏။
၂၁ ထိုအခါ ဇေဒကိမင်းကြီးအမိန့်တော်ရှိ၍၊ ယေရမိကိုထောင် ဝင်း၌ထားကြ၏။ မြို့တွင် မုန့်မကုန်မှီတိုင်အောင်၊ မုန့်သည်တန်းမှ မုန့်တလုံးကို နေ့တိုင်းအစဉ်ပေးရ၏။ ထိုသို့ယေရမိသည် ထောင်ဝင်ထဲမှာ နေလေ၏။