ဒံယေလအနာဂတ္တိကျမ်း အခန်းကြီး ၁၂
၁ ထိုကာလ၌ သင့်အမျိုးသားချင်းတို့၏ အမှုကိုစောင့်သောအရှင်ကြီး မိက္ခေလသည် ပေါ်လာလိမ့်မည်။ လူမျိုးတစုံတမျိုးမျှ ဖြစ်သည်ကာလမှစ၍ ထိုကာလတိုင်အောင်၊ မဖြစ်စဖူးသော ဆင်းရဲဒုက္ခကပ်ကာလသည် ရောက်လိမ့်မည်။ ထိုကာလအခါ စာစောင်၌စာရင်းဝင်သမျှသော သင်၏အမျိုးသားချင်းတို့သည် ကယ်လွှတ်ခြင်းသို့ ရောက်ကြလိမ့်မည်။
၂ ထိုကာလအခါ မြေမှုန့်၌ အိပ်ပျော်သောသူများတို့သည် နိုးကြလိမ့်မည်။ အချို့တို့ကား၊ ထာဝရအသက်ရှင်ခြင်းနှင့်င်း၊ အချို့တို့ကား၊ ရှက်ကြောက်ခြင်း၊ ထာဝရအသရေပျက်ခြင်းနှင့်င်း၊ နိုးကြလိမ့်မည်။
၃ ပညာရှိသောသူတို့သည်လည်း၊ ကောင်းကင်မျက်နှာကြက်၏ အရောင်အဝါကဲ့သို့င်း၊ လူအများတို့ကို ဖြောင့်မတ်ခြင်းတရားလမ်းထဲသို့ သွင်းသောသူတို့သည်လည်း၊ ကြယ်များကဲ့သို့င်း အစဉ်အမြဲထွန်းလင်းကြ လိမ့်မည်။
၎ သင်ဒံယေလမူကား၊ အမှုကုန်ရသည်ကာလတိုင်အောင်၊ ဤစကားတော်တို့ကို ပိတ်၍ စာစောင်ကို တံဆိပ်ခတ်ထားလော့။ အများသောသူတို့သည် ထိုစာကိုကြည့်ရှုသောအားဖြင့် ပညာတိုးပွါးလိမ့်မည်ဟု ပြောဆို၏။
၅ ထိုအခါ ငါဒံယေလသည် ကြည့်ရှုလျှင်၊ အခြားသောသူနှစ်ပါးတို့သည် မြစ်ကမ်းတို့၌ တဘက်တပါးစီရပ် နေကြ၏။
၆ တပါးကလည်း၊ အံ့ဘွယ်သောဤအမှုအရာတို့သည် မကုန်စင်မှီ အဘယ်မျှလောက်ကြာလိမ့်မည်နည်း ဟု ပိတ်ချောကို ဝတ်လျက်၊ မြစ်ရေပေါ်မှာရှိသော လူကိုမေးမြန်း၏၊
၇ ပိတ်ချောကိုဝတ်လျက်၊ မြစ်ရေပေါ်မှာရှိသော လူကလည်း၊ တကာလ၊ နှစ်ကာလ၊ ကာလတဝက်ပတ်လုံး ဖြစ်လိမ့်မည်။ သန့်ရှင်းသောသူတို့၏ အစွမ်းသတ္တိကို အရပ်ရပ်သို့ ဖြန့်လွှင့်ခြင်းအမှု ပြီးသောအခါ၊ ထိုအမှုအရာအလုံးစုံတို့သည် ကုန်စင်ကြလိမ့်မည်ဟု လက်နှစ်ဘက် ကိုကောင်းကင်သို့ ချီလျက်၊ ကမ္ဘာအဆက်ဆက်အသက်ရှင်တော်မူသော ဘုရားကိုတိုင်တည်၍ ကျိန်ဆိုသည်ကို ငါကြား၏။
၈ ထိုစကားကို ငါကြား၍ နားမလည်သောကြောင့်၊ ဘုရားသခင်၊ ဤအမှုအရာတို့သည် အဘယ်သို့ကုန်စင် ပါမည်နည်းဟု မေးလျှောက်လျှင်၊
၉ ထိုသူက ဒံယေလ၊ သင်သွားလော့။ ထိုစကားသည် အမှုကုန်ရသည်ကာလ တိုင်အောင် ပိတ်၍ တံဆိပ်ခတ်ထားလျက်ရှိ၏။
၁၀ လူအများတို့သည် သန့်ရှင်းဖြူစင်ခြင်းသို့ရောက်၍ စုံစမ်းခြင်းကို ခံရကြလိမ့်မည်။ မတရားသောသူတို့သည် မတရားသဖြင့်ပြု၍ တယောက်မျှ နားမလည်ရ။ ပညာရှိသောသူတို့ မူကား၊ နားလည်ကြလိမ့်မည်။
၁၁ နေ့ရက်အစဉ်ပြုသော ဝတ်ကို ပယ်ရှင်း၍၊ ဖျက်ဆီးတတ်သော ရွံ့ရှာဘွယ်အရာသည် ပေါ်လာပြီးမှ၊ အရက်တထောင် နှစ်ရာကိုးဆယ်ကြာလိမ့်မည်။
၁၂ အရက်တထောင်သုံးရာသုံးဆယ်ငါးရက် တိုင်အောင် ငံ့လင့်၍မှီသောသူသည် မင်္ဂလာရှိ၏။
၁၃ သင်မူကား၊ အဆုံးမဖြစ်မှီတိုင်အောင် သွားလော့။ ငြိမ်ဝပ်စွာ နေရလိမ့်မည်။ နေ့ရက်ကာလကုန်စင်ပြီးမှ၊ ကိုယ်အရိပ်အရာကိုခံ၍ ပေါ်ရလိမ့်မည်ဟု ဆို၏။
