ဟေရှာယအနာဂတ္တိကျမ်း အခန်းကြီး ၃၈

၁ ထိုကာလအခါ ဟေဇကိမင်းသည် သေနာစွဲသဖြင့်၊ အာမုတ်သား ပရောဖက်ဟေရှယသည် လာ၍၊ ထာဝရ ဘုရား မိန့်တော်မူသည်ကား၊ ကိုယ်အိမ်အမှုကို စီရင်လော့။ သင်သည် အသက်မရှင်၊ သေရမည်ဟု အမိန့်တော်ကို ပြန်လေ၏။

၂-၃ ဟေဇကိမင်းသည်လည်း ထရံသို့ မျက်နှာလှည့်၍၊ အိုထာဝရဘုရား၊ ကျွန်ုပ်သည် ရှေ့တော်၌ သစ္စာစောင့်လျက်၊ စုံလင်သော စိတ်နှလုံးနှင့်ကျင့်၍၊ နှစ်သက်တော်မှုသည့်အတိုင်း ပြုကြောင်းကို အောင့်မေ့တော်မှုပါ၊ အကျွန်ုပ်တောင်းပန်ပါ၏ဟု အလွန်ငိုကြွေးလျက်၊ ထာဝရဘုရားကို ဆုတောင်းလေ၏။

၎ တဖန်ထာဝရဘုရား၏ နှုတ်ကပတ် တော်သည် ဟေရှာယသို့ရောက်၍၊

၅ သင်သည် ဟေဇကိမင်းထံသို့ သွားပြီးလျှင်၊ သင့်အဘဒါဝိဒ်၏ ဘုရားသခင် ထာဝရဘုရားမိန့်တော်မူသည်ကား၊ သင်၏ပဌနာစကားကို ငါကြားပြီ။ သင်၏မျက်ရည်ကိုလည်း ငါမြင်ပြီ။ သင်၏အသက်၌ တဆယ်ငါးနှစ်ကို ငါဆက်၍ပေးမည်။

၆-၇ သင်နှင့်ဤမြို့ကို အာရှုရိရှင်ဘုရင်လက်မှ ငါကယ်လွှတ်မည်။ ဤမြို့ကို ငါကွယ်ကာစောင့်မမည်အရာကို ပြောလော့ဟု မိန့်တော်မှု၏။ ဟေရှယက၊ ထာဝရ ဘုရားအမိန့်တော် ရှိသည့်အတိုင်း ပြုတော်မူမည်ဟု ထာဝရဘုရားသည် သင့်အားပေးတော်မူသော လက္ခဏာသက်သေဟူမူကား၊

၈ ကြည့်ရှုလော့။ အာခတ်၏ နေတိုင်းနာရီပေါ်မှာ ရွေ့သောအရိပ်ကို ဆက်ချက်ပြန်စေမည်ဟုဆို၏။ ဆိုသည်အတိုင်း ဆယ်ချက်ရွေ့ပြီးသော အရိပ်သည် ဆယ်ချက်ပြန်လေ၏။

၉ ယုဒမင်းကြီး ဟေဇကိသည် အနာမှထမြောက်၍ ရေးထားသောစာဟုမူကား၊

၁၀ ငါသည်ငြိမ်သက်စွာ နေစဉ်အခါ၊ မရဏာနိုင်ငံ တံခါးသို့ ဝင်ရပါသည်တကား။ ငါ၌ကြွင်းသောနှစ်များကို ငါရှုံးပြီဟု ငါဆိုသတည်း။

၁၁ အသက် ရှင်သော သူတို့၏ နေရာ၌ ၊ ထာဝရဘုရားကို ငါမမြင်ရ။ ငြိမ်းရာအရပ်သားတို့နှင့် ပေါင်းဘော် ရသဖြင့်၊ နောက်တဖန် လူတို့ကို မမြင်ရ။

၁၂ သိုးထိန်းတဲ ကဲ့သို့ ငါနေသော အိမ်ကိုနှုတ်ပယ်၍။ အခြားတပါးသို့ ဆောင်သွားပြီ။ ရက်ကန်းသည် ပြုသကဲ့သို့ ငါ့အသက်သည်လိပ်လျက်ရှိ၍၊ ရက်ကန်းစင်မှ ငါ့ကိုပယ်ဖျက်တော်မှုလိမ့်မည်။ တနေ့ခြင်းတွင် င့ါကိုဆုံးစေတော်မူလိမ့်မည်ဟု ငါဆိုသတည်း။

၁၃ ငါ့အရိုးရှိသမျှတို့ကို ချိုးတော်မူသည်ဖြစ်၍၊ ငါသည် ခြင်္သေ့ ဟောက်သကဲ့သို့ နံနက်တိုင်အောင်မြည်ရ၏၊ တနေ့ခြင်းတွင် ငါ့ကို ဆုံးစေတော်မူလိမ့်မည်ဟု ငါဆိုသတည်း။

၁၄ ငါသည် တီတီတွတ်နှင့် ဇရက်ကဲ့သို့ မြည်၍ ချိုးကဲ့သို့ ညည်းတွန်ရ၏။ ငါ့မျက်စိတို့သည် မြော်ကြည့်၍ အားလျော့ကြပြီ။ အိုဘုရားရှင်၊ ညှဉ်းဆဲခြင်းကိုခံရသော အကျွန်ုပ်ဘက်၌ နေတော်မှုပါ။

၁၅ အဘယ်သို့ ငါပြောရမည်နည်း။ ငါ့အားဂတိပေးတော်မှူုပြီ။  ဂတိတော်အတိုင်းလည်း ပြုတော်မူပြီ။ ငါ၌ ကျန်ကြွင်းသော နှစ်စဉ်ကာလပတ်လုံး၊ ငါသည် စိတ်ဆင်းရဲခြင်းကို အောက်မေ့၍၊ ဖြည်းဖြည်းသွားပါမည်၊၊

၁၆ အို ဘုရားရှင်၊ ထိုသို့သောအားဖြင့် အသက်ရှင်ရပါ၏။ ထိုအရာရှိသမျှတို့၌ အကျွန်ုပ်ဝိညာဉ်၏ အသက်တည်ရပါ၏။ ကိုယ်တော်သည် အကျွန်ုပ်အနာရောဂါကိုငြိမ်းစေ၍၊ အကျွန်ုပ်အသက်ကို ရှင်စေတော်မူ၏၊၊

၁၇ အကျွန်ုပ်ခံရသော ဝေဒနာသည် ငြိမ်းပါပြီ။ အကျွန်ုပ်၏ ဝိညာဉ်ကို သနား၍၊ ဖျက်ဆီးရာတွင်းထဲက နှုတ်ယူ တော်မူပြီ။ အကျွန်ုပ် အပြစ်ရှိသမျှတို့ကို နောက်တော်သို့ ပစ်လိုက်တော်မူပြီ။

၁၈ အကယ်စင်စစ် မရဏာ နိုင်ငံသည် ဂုဏ်တော်ကို မချီးမွမ်းရပါ။ သေနေသော သူသည် ဂုဏ်တော်ကို ထောမနာ သီချင်းမဆိုရပါ။ တွင်းထဲသို့ဆင်းသော သူသည် သစ္စာတော်ကို မမြော်လင့်ရပါ။

၁၉ အသက်ရှင်သောသူ၊ အသက်ရှင်သောသူသာလျှင်၊ ယနေ့ အကျွနု်ပ် ပြုသကဲ့သို့၊ ဂုဏ်တော်ကို ချီးမွမ်းရ ပါလိမ့်မည်။ အဘသည် သားတို့အား သစ္စာတော်ကို ဘော်ပြရပါလိမ့်မည်။

၂၀ ထာဝရဘုရားသည် ငါ့ကို ကယ်တင် တော်မူပြီ။ ထိုကြောင့်၊ ငါတို့သည် တသက်လုံးဗိမာန်တော်၌စောင်းတီး၍ သီချင်းဆိုကြလိမ့်သတည်း။

၂၁ ဟေရှယကလည်း၊ သင်္ဘော သဖန်းသီးအလုံးအထွေးကိုယူ၍ နယ်ပြီးမှ၊ အနာကို အုံကြလော့။ ထိုသို့ ပြုလျှင် မင်းကြီးသည် သက်သာရလိမ့်မည်ဟု ဆိုလေ၏။

၂၂ ဟေဇကိမင်းကလည်း၊ ငါသည် ဗိမာန်တော်သို့ တက်လိမ့်မည်ဆိုသော် အဘယ်လက္ခဏာ သက်သေရှိသ နည်းဟု မေး၏