၁ တဖန် ထာဝရဘုရားမိန့်တော်မူသည်ကား၊ မောဘပြည်သည် ဧဒျံရှင်ဘုရင်၏ အရိုးတို့ကို ထုံးဖြစ်စေခြင်းငှါ မီးနှင့်ဖုတ်သောအပြစ်သုံးပါးမက၊ အပြစ်လေးပါးကြောင့် ငါသည် ဒဏ်မပေးဘဲမနေ။
၂ မောဘပြည်အပေါ်သို့ မီးကိုလွှတ်၍၊ ကေရုတ်မြို့၏ ဘုံဗိမာန်တို့ကိုလောင်စေမည်။ ကြီးသော အသံဗလံပြုခြင်း၊ အော်ဟစ်ခြင်း၊ တံပိုးမှုတ်ခြင်း နှင့်တကွ မောဘပြည်သည် ဆုံးရှုံးရလိမ့်မည်။
၃ မောဘပြည်အလယ်၌ တရားသူကြီးကိုငါပယ်ဖြတ်၍၊ သူနှင့်တကွ မှူးမတ်အပေါင်းတို့ကို ကွပ်မျက်မည်ဟု ထာဝရဘုရားမိန့်တော်မူ၏။
၎ တဖန် ထာဝရဘုရားမိန့်တော်မူသည်ကား ယုဒအမျိုးသည် ထာဝရဘုရားစီရင်တော်မူချက်တို့ကို မစောင့်၊ ပညတ်တရားတော်ကိုစွန့်ပစ်၍၊ ဘိုးဘေးတို့လိုက်ဘူးသော မိစ္ဆြွာဒိဌိအားဖြင့် မှားယွင်းသောအပြစ် သုံးပါမက အပြစ် လေးပါးကြောင့် ငါသည်ဒဏ်မပေးဘဲမနေ။
၅ ယုဒပြည်အပေါ်သို့ မီးကိုလွှတ်၍၊ ယေရုရှလင်မြို့၏ ဘုံဗိမာန်တို့ကို လောင်စေမည်။
၆ တဖန် ထာဝရဘုရားမိန့်တော်မူသည်ကား၊ ဣသရေလအမျိုးသည် ဖြောင့်မတ်သောသူကို ငွေနှင့်င်း၊ ဆင်းရဲသောသူကို ခြေနင်းတရံနှင့်င်း ရောင်းသောအပြစ်၊
၇ ဆင်းရဲသောသူတို့၏ခေါင်းကို မြေမှုန့်နှင့်ဖုံးလွှမ်းစေခြင်းငှါ အလွန် အလိုကြီး၍၊ နှိမ့်ချသောသူကို မတရားသဖြင့်စီရင်သောအပြစ်၊ ငါ၏နာမမြတ်ကိုရှုတ်ချခြင်းငှါ အဘနှင့်သားသည် တဦးတည်းသောမိန်းမကို ပေါင်းဘော်သောအပြစ်၊
၈ ပေါင်ထားသောအဝတ်ကို ခပ်သိမ်းသော ယဇ်ပလ္လင်တို့အနား၌ ခင်း၍အိပ်သောအပြစ်၊ လျော်ပြစ်ငွေနှင့် ဝယ်သော စပျစ်ရည်ကို သူတို့ဘုရား၏အိမ်၌ သောက်သောအပြစ်သုံးပါးမက၊ အပြစ်လေးပါးကြောင့် ငါသည်ဒဏ်မပေးဘဲမနေ။
၉ အာရဇ်ပင်အရပ်နှင့်အမျှမြင့်၍ သပိတ်ပင်ကဲ့သို့ ခိုင်မာသော အာမောရိအမျိုးကို သင်တို့ရှေ့မှာ ငါပယ် ရှား၍၊ အထက်၌သူ၏အသီးကိုင်း၊ အောက်၌သူ၏အမြစ်ကိုင်း ငါဖျက်ဆီးပြီ။
၁၀ သင်တို့ကို အဲဂုတ္တုပြည်မှနှုတ်ယူ၍ အာမောရိပြည်ကို ဝင်စားစေခြင်းငှါ၊ အနှစ်လေးဆယ်ပတ်လုံး တော၌ပို့ဆောင်ပြီ။
၁၁ သင်တို့သားအချို့ကို ပရောဖက် အရာ၊ လုလင်အချို့ကို နာဇရိလူအရာ၌ ငါခန့်ထားပြီ။ အိုဣသရေလအမျိုးသားတို့၊ ဤစကားမှန်သည်မဟုတ်လောဟု ထာဝရဘုရားမေးတော်မူ၏။
၁၂ သင်တို့မူကား၊ နာဇရိလူသောက်ဘို့ စပျစ်ရည်ကိုပေးကြပြီ။ ပရောဖက်တို့ကိုလည်း ပရောဖက်ပြု၍ မဟောကြနှင့်ဟု မြစ်တားကြပြီ။
၁၃ ထိုကြောင့်၊ လှည်းသည် အပြစ်တင်သောကောက်လှိုင်း၏ ဖိစီးခြင်းကို ခံရသကဲ့သို့၊ သင်တို့၏နေရာအရပ်ကို ငါဖိစီးမည်။
၁၄ အပြေးကောင်းသောသူသည် ပြေးသောအခွင့်ကို မရ။ ခွန်အားကြီးသောသူသည် မိမိခွန်အားကို ထုတ်ရသောအခွင့်မရှိရ။ သူရဲသည် ကိုယ်ကိုမကယ်လွှတ်၍။
၁၅ လေးကိုကိုင်သောသူသည် မရပ်ရ။ လျင်မြန်သောခြေသည်သူရဲသည် ကိုယ်ကိုမကယ်လွှတ်ရ။ မြင်းစီးသူရဲသည်လည်း ကိုယ်ကိုမကယ်လွှတ်ရ။
၁၆ ရဲရင့်သောသူရဲသည် ထိုနေ့၌ အဝတ်မပါဘဲ ပြေးသွားရလိမ့်မည်ဟု ထာဝရဘုရား မိန့်တော်မူ၏။
