ယေရမိအနာဂတ္တိကျမ်း အခန်းကြီး ၅

၁ ယေရုရှလင်မြို့ကို အပြစ်မှငါလွှတ်မည်အကြောင်း၊ တရားသဖြင့်ကျင့်သောမြို့သား၊ သစ္စာစောင့် သော မြို့သား တစုံတယောက်မျှရှိလျှင်၊ ထိုသူကို တွေ့အံ့သောငှါ၊ မြို့လမ်းတို့၌ တောင်မြောက် ပြေး၍၊ ကျယ်သောအရပ် တို့၌ ရှာဖွေကြည့်ရှုကြလော့။

၂ သူတို့က၊ ထာဝရဘုရား အသက်ရှင်တော်မူသည်ဟု ဆိုသော်လည်း၊ အကယ်စင်စစ် မဟုတ်မမှန် ကျိန်ဆိုတတ်ကြ၏။

၃ အိုထာဝရဘုရား၊ ကိုယ်တော်သည် သစ္စာတရားကို ထောက်ရှုတော်မူသည်မဟုတ်လော။ ကိုယ်တော်သည် ဒဏ်ခတ်တော်မူသော်လည်း သူတို့သည် ညှိုးငယ်သောစိတ်မရှိကြပါ။ ဖျက်ဆီးတော်မူ သော်လည်း၊ သူတို့သည် ဆုံးမခြင်းကို ငြင်းပယ်ကြပါပြီ။ မိမိတို့မျက်နှာကို ကျောက်ထက်သာ၍ မာစေကြပါပြီ။ ငါတို့သည် ပြန်၍မလာဟု ငြင်းဆန်လျက်နေကြပါ။

၎ ငါကလည်း၊ အကယ်စင်စစ် ဤသူတို့သည် ဆင်းရဲသားဖြစ်ကြ၏။ ထာဝရဘုရား၏ တရားတော်ကို၎င်း၊ မိမိတို့ဘုရားသခင်စီရင် တော်မူရာကို၎င်း၊ မသိသောကြောင့် မိုက်ကြ၏။

၅ လူကြီးများထံသို့ ငါသွား၍ပြောမည်။ သူတို့သည် ထာဝရဘုရား၏ တရားတော်ကို၎င်း၊ မိမိတို့ဘုရားသခင် စီရင်တော်မူရာကို၎င်း သိကြ၏ဟု ဆိုသော်လည်း၊ သူတို့သည် ထမ်းဘိုးတော်ကို ချိုး၍၊ အနှောင်အဖွဲ့တော်တို့ကို ဖျက်ကြပြီ။

၆ ထိုကြောင့်၊ တောမှလာသောခြသေ့င်္သည် သူတို့ကို သတ်လိမ့်မည်။ ညဦးယံ၌ လည်တတ်သောတောခွေးသည် သူတို့ကို ကိုက်စားလိမ့်မည်။ ကျားသစ်သည် သူတို့မြို့ကိုစောင့်၍၊ မြို့ပြင်သို့ထွက်သွားသောသူအပေါင်းတို့ကို အပိုင်းပိုင်းကိုက်ဖြတ်လိမ့်မည်။ အကြောင်းမူကား၊ သူတို့ပြစ်မှားသော အပြစ်များ၍၊ အကြိမ်ကြိမ်အထပ်ထပ် ဖေါက်ပြန်ကြပြီ။

၇ ထိုသို့သောအပြစ်မှ သင့်ကိုအဘယ်သို့ ငါလွှတ်နိုင်သနည်း။ သင်၏သားသမီးတို့သည် ငါ့ကိုစွန့်၍၊ ဘုရားမဟုတ်သောသူတို့ကို တိုင်တည်လျက် ကျိန်ဆိုကြပြီ။ ငါသည်ဝစွာကျွေးသောအခါ သူတို့သည် ပြည်တန်ဆာ အိမ်၌ စည်းဝေး၍ မှားယွင်းကြပြီ။

၈ ၀စွာစားရသော မြင်းကဲ့သို့ဖြစ်၍၊ အသီးအသီးအိမ်နီးချင်း မယားတို့ကို တပ်သောစိတ်နှင့် ဟီကြပြီ။

၉ ထိုသို့သော အပြစ်တို့ကို ငါသည်မစစ်ကြောဘဲ နေရမည်လော။ ထိုသို့သော အမျိုးကို ဒဏ်ပေး၍၊ ငါ့စိတ်ချင်ရဲမပြေဘဲ နေရမည်လောဟု ထာဝရဘုရားမိန့်တော်မူ၏။

၁၀ မြို့ရိုးပေါ်သို့တတ်၍ ဖျက်စီးကြလော့။ ပျက်စီးခြင်းကို မစဲစေကြနှင့်။ ခြေလက်တို့ကို ပယ်ရှင်းကြလော့။ ထာဝရဘုရားဆိုင်တော်မမူ။

၁၁ ဣသရေလအမျိုးနှင့် ယုဒအမျိုးတို့သည် ငါ့ထံ၌ ခံဘူးသောသစ္စာကို ဖျက်ကြပြီဟု ထာဝရဘုရားမိန့်တော်မူ၏။

၁၂ သူတို့က၊ ထာဝရဘုရားမရှိ။ ငါတို့အပေါ်၌ ဘေးဥပဒ်မရောက်ရ။ ထားဘေး၊ မွတ်သိပ်ခြင်းဘေးကို ငါတို့သည် မတွေ့ရကြ။

၁၃ ပရောဖက်တို့သည် လေသက်သက်ဖြစ်ကြ၏။ သူတို့၌ နှုတ်ကပတ် တော်မရှိ။ သူတို့ဟောပြောသည်အတိုင်း သူတို့ခံရလိမ့်မည်ဟု ထာဝရဘုရားကို ငြင်းပယ်လျက် ဆိုတတ်ကြ၏။

၁၄ သို့ဖြစ်၍၊ ကောင်းကင်ဗိုလ်ခြေအရှင် ဘုရားသခင်ထာဝရဘုရား မိန့်တော်မူသည်ကား၊ သူတို့သည် ထိုသို့ဆိုသောကြောင့်၊ ငါ့စကားကို သင်၏နှုတ်၌ မီးကဲ့သို့၎င်း၊ ဤလူမျိုးကို ထင်းကဲ့သို့၎င်း ငါဖြစ်စေ၍ သူတို့ကို မီးလောင်ရလိမ့်မည်။

၁၅ ထာဝရဘုရားမိန့်တော်မူသည်ကား၊ အိုဣသရေလအမျိုး၊ သင့်ကိုတိုက်စေဘို့ လူတမျိုးကို ဝေးသော အရပ်က ငါဆောင်ခဲ့မည်။ အားကြီးသောအမျိုး၊ ရှေးကာလ၌ဖြစ်ဘူးသောအမျိုး၊ သူတို့စကားကို သင်မသိ နားမလည်သောအမျိုးဖြစ်လိမ့်မည်။

၁၆ သူတို့မြှားတာင့်သည် ဖွင့်ထားသောသင်္ချိုင်းတွင်းဖြစ်၏။ ထိုသူတို့ အပေါင်း တို့သည် ခွန်အားကြီးသောသူဖြစ်ကြ၏။

၁၇ ထိုသူတို့သည် သင်၏အသီးအနှံနှင့် သင်၏ မုန့်ကိုစားကြလိမ့်မည်။ သင်၏ သားသမီးတို့ကိုလည်း စားကြလိမ့်မည်။ သင်၏သိုးနွားတို့ကိုလည်း စားကြလိမ့်မည်။ သင်၏စပျစ်နွယ်ပင်နှင့် သင်္ဘောသဖန်းပင်ကိုလည်း  စားကြလိမ့်မည်။ သင်ခိုလှုံ၍ ခိုင်ခံ့သောမြို့တို့ကိုလည်း တိုက်၍လုပ်ကြံကြလိမ့်မည်။

၁၈ သို့ရာတွင်၊ ထိုကာ၌ငါသည် သင်၏အမှုကို မဆုံးဖြတ်သေးဟု ထာဝရဘုရားမိန့်တော်မူ၏။

၁၉ သူတို့ကလည်း၊ ငါတို့ဘုရားသခင်ထာဝရဘုရားသည်၊ ငါတို့၌ ဤအမှုအလုံးစုံတို့ကို အဘယ်ကြောင့် စီရင်တော်မူသနည်းဟု မေးကြသောအခါ၊ သင်တို့သည် ငါ့ကိုစွန့်ပစ်၍၊ ကိုယ်ပိုင်သောပြည်၌ တကျွန်းတနိုင်ငံဘုရားတို့၏ အမှုကိုဆောင်ရွက်သကဲ့သို့၊ ကိုယ်မပိုင် သောပြည်၌ တကျွန်းတနိုင်ငံသားတို့၏ အမှုကိုဆောင်ရွက်ရကြလိမ့်မည်ဟု သင်သည် သူတို့အား ဆင့်ဆိုရမည်။

၂၀ ယာကုပ်အမျိုးနေရာ ယုဒပြည်၌ ဟောပြောကြွေးကြော်ရမည်မှာ၊

၂၁ အိုမျက်စိရှိလျက်နှင့် မမြင်၊ နားရှိလျက်နှင့် မကြား၊ ဥာဏ်မဲ့သောလူမိုက်တို့၊ နားထောင်ကြလော့။

၂၂ ထာဝရဘုရားမိန့်တော်မူသည်ကား၊ ပင်လယ်မလွန်နိုင်ငံအောင် ဆီးတားဘို့ရာ သဲကိုထာဝရအပိုင်းအခြား ခန့်ထားသောငါကို သင်တို့သည် မကြောက်ကြသလော။ ငါ၏ရှေ့တော်၌ မတုန်လှုပ်ကြသလော့။ ပင်လယ်လှိုင်းတံပိုးတို့သည် ထ၍မနိုင်၊ ဟုန်း၍ မကျော်မလွန်နိုင်သော်လည်း၊

၂၃ ဤလူမျိုးသည် ပြစ်မှားပုန်ကန်သော သဘောရှိ၍၊ အစဉ်ပုန် ကန်တတ်ကြ၏။

၂၄ အချိန်တန်မှ အရင်မိုဃ်းနှင့် နောက်မိုဃ်းကို ရွာစေ၍၊ အသီးအနှံသိမ်းမြဲ သိမ်းရာကာလကို ငါတို့အဘို့ သိုထားတော်မူသောငါတို့၏ ဘုရားသခင်ထာဝရဘုရားကို ယခုကြောက်ကြကုန်အံ့ဟု၊ သူတို့သည်စိတ်နှလုံးထဲ၌ မဆိုတတ်ကြ။

၂၅ သင်တို့ဒုစရိုက်သည် ထိုသို့သောအရာတို့ကို လွှဲ၍ သင်တို့အပြစ်သည် သင်တို့၏ မင်္ဂလာကို ဆီးတားလေသည်။

၂၆ ၀ပ်လျက်နေသော မုဆိုးကဲ့သို့ ချောင်းမြောင်းသော လူဆိုးတို့သည် ငါ၏လူတို့တွင် ရှိကြ၏။ လူတို့ကိုထောင်ခြင်းငှါ ထောင်ချောက်ကို ထားကြပြီ။

၂၇ ငှက်ထောင်အိမ်သည် ငှက်တို့နှင့် ပြည့်သကဲ့သို့ သူတို့အိမ်သည်လှည့်စားခြင်း ပရိယာယ်နှင့်ပြည့်၏။ ထိုသို့သူတို့သည် အားတိုးပွါး၍ ရတတ်ခြင်းသို့ရောက်ရ၏။

၂၈ ၀လျက်၊ မျက်နှာပြောင်လျက်ရှိကြ၏။ ဆိုးသောသူတို့ထက်သာ၍ ဆိုးကြ၏။ တရားသဖြင့် မစီရင်ကြ။ မိဘမရှိသော သူငယ်၏အမှုကို စောင့်၍ အနိုင်မပေးကြ။ ဆင်းရဲသောသူဘက်၌ တရားသဖြင့် မစီရင်ကြ။

၂၉ ထိုသို့သောအပြစ်တို့ကို ငါသည်မစစ်ကြောဘဲ နေရမည်လော။ ထိုသို့သောအမျိုးကိုဒဏ်ပေး၍၊ ငါစိတ် ချင်ရဲ၍ မပြေဘဲ နေရမည်လောဟု ထာဝရဘုရားမိန့်တော်မူ၏။

၃၀ အံ့သြရွံ့ရှာဘွယ်သော အမှုကို ပြည်တော်၌ပြုကြ၏။

၃၁ ပရောဖက်တို့သည် မဟုတ်မမှန်ဟော ပြောကြ၏။ ယဇ်ပုရောဟိတ်တို့သည် ဝန်ခံ၍ အစိုးရကြ၏။ ထိုသို့သောအမှုကို ငါ၏လူတို့သည် နှစ်သက် ကြ၏။ ထိုအမှုဆုံး သောအခါ သင်တို့သည်အဘယ်သို့ ပြုကြလိမ့်မည်နည်း။