ယေဇကျေလအနာဂတ္တိကျမ်း အခန်းကြီး ၄၂
၁ ထို့နောက်မှ မြောက်လမ်းနှင့် ပြင်တန်တိုင်းထဲသို့ ခေါ်သွား၍၊ အိမ်တော်မြောက်ဘက်၊ လွတ်လပ်သော အရပ်ရှေ့မှာ ရှိသော အခန်းများကိုပြလေ၏။
၂ ထိုအခန်းတို့သည် မြောက်တံတား အထိ၊ အလျားအတောင်တစ်ရာ၊အနံအတောင်ငါးဆယ်ရှိကြ၏။
၃ အတောင်နှစ်ဆယ်ရှိသော အတွင်းတံတိုင်းရှေ့၊ ပြင်တန်တိုင်းကျောက်ခင်းရှေ့တွင်၊ တဘက်တချက်၌ နံရံအခန်းသုံးဆင့်ရှိ၏။
၎ ထိုအခန်းများရှေ့မှာ တတောင်ကျယ်သောလမ်းများ နှင့်တကွ အတွင်းဘက် သို့ဝင်၍၊ အနံဆယ်တောင်ရှိသော စင်္ကြံရှိ၏။ အခန်းတံတားတို့ သည်မြောက်ဘက်သို့မျက်နှာပြုကြသည် ။
၅ အထက် ခန်းတို့သည် ကျဉ်းကြသည်။ သူတို့ကြမ်းပြင်သည် အောက်ခန်းကြမ်းပြင်၊ အလယ်ခန်း ကြမ်းပြင်နှင့်မညီ၊ အထဲသို့ ဝင်လျက်ရှိကြသည်။
၆ အကြောင်းမူကား အခန်းသုံးဆင့်ရှိသော်လည်း၊ ထိုအခန်းတို့သည် အခြားတံတိုင်းကဲ့သို့ တိုင်မရှိ။ သို့ဖြစ်၍၊ အောက်ခန်းနှင့် အလယ်ခန်းထက် သာကျဉ်းကြသည်။
၇ ထိုအခန်းများတဘက် တချက်၊ ပြင်တံတိုင်း ဘက်မှာ အခန်းများ ရှေ့၌ ကာသောနံရံသည် အလျားအတောင်ငါးဆယ်ရှိ၏။
၈ ပြင်တံတိုင်းနှင့် ဆိုင်သောအခန်းတို့ သည် အလျားအတောင်ငါးဆယ်ရှိကြ၏။ ဗိမာန် တော်ရှေ့မှာအလျားသည် အတောင်တရာရှိ၏။
၉ ပြင်တံတိုင်းမှ လာ၍၊ ထိုအခန်းများ ခြေရင်းအရှေ့ဘက်၌ ဝင်ရာလမ်းရှိ၏။
၁၀ အိမ်တော်တောင်ဘက်၊ လွတ်လပ်သော အရပ်ကိုကာ သောတံတိုင်းနံရံ၌လည်း အခန်းများရှိကြ၏။
၁၁ ထိုအခန်းစုရှေ့မှာ ရှိသော စင်္ကြံမှစ၍ အခန်းအလျားအနံ၊ ထွက်ရာ ဝင်ရာတံခါးရှိသမျှတို့သည် မြောက်အခန်းစုနှင့် ပုံသဏ္ဍာန် တူကြ၏။
၁၂ တောင်ခန်းတံခါးတို့သည် လည်းမြောက် တံခါးတို့နှင့် တူသည်ဖြစ်၍၊ တံတိုင်းတဘက်တချက်၊ အရှေ့သို့မျက်နှာပြုသော စင်္ကြံဦး၌ ဝင်ရာတံခါးဝရှိ၏။
၁၃ တိုင်းသောသူကလည်း၊လွတ်လပ်သောအရပ်ရှေ့မှာမြောက်ခန်းနှင့် တောင်ခန်းတို့သည်သန့်ရှင်သော အခန်း၊ ထာဝရဘုရားထံတော်သို့ချဉ်းကပ်သော ယဇ်ပရောဟိတ်တို့သည် အလွန်သန့်ရှင်းသောအရာများကို စားရ သောအခန်းဖြစ်ကြ၏။ ထိုအရပ်သည် သန့်ရှင်းသောကြောင့် အလွန်သန့်ရှင်းသောအရာ၊ ဘောဇဉ် ပူဇော်သက္ကာ၊ အပြစ်ဖြေရာယဇ်၊ ဒုစရိုက်ဖြေရာ ယဇ်တို့ကို  ထားရာအရပ်ဖြစ်၏။
၁၄ ယဇ်ပရောဟိတ်တို့သည် ဝင်သော အခါ အမှုတော်ဆောင်အဝတ်ကို ဝတ်လျက်၊ သန့်ရှင်သောအရပ်မှ ပြင်တံတိုင်းသို့မထွက်ရ။ ထိုအဝတ်သန့်ရှင်သော ကြောင့် ချွတ်ထား၍ အခြားသော အဝတ်ကိုဝတ်ပြီးမှ၊ လူများရှိရာ သို့ ထွက်သွားရလိမ့်ကြမည်ဟု ငါ့အားပြော ဆို၏။
၁၅ အတွင်းဗိမာန်တော်ကို တိုင်းပြီးသည်နောက်၊ အရှေ့တံခါးပြင်သို့ ခေါ်သွား၍၊
၁၆ တိုင်းစရာကျူလုံးနှင့် အရှေ့မျက်နှာကို တိုင်းလျှင် ကျူလုံး အပြန်ငါးရာရှိ၏။
၁၇ မြောက်မျက်နှာကိုတိုင်းလျှင်လည်း ကျူလုံးအပြန်ငါးရာရှိ၏။
၁၈ တောင်မျက်နှာကိုတိုင်းလျှင်လည်း ကျူလုံအပြန်ငါးရာရှိ၏။
၁၉ အနောက်မျက်နှာကိုတိုင်းလျှင်လည်း ကျူလုံးအပြန် ငါးရာရှိ၏။
၂၀ လေးမျက်နှာကိုတိုင်း၍ ပတ်လည်၌ရှိသော တံတိုင်းသည် သန့်ရှင်သောအရပ်၊ မသန့်ရှင်းသော အရပ်တို့ ကို ပိုင်းခြားလျတ် အလျားအပြန်ငါးရာ၊ အနံလည်းအပြန်ငါးရာရှိ၏။