ရောမသြဝါဒစာ အခန်းကြီး ၉
၁ ငါ့ကိုယ်ကိုကိုယ်သိသော စိတ်သည်သန့်ရှင်းသောဝိညာဉ်တော်နှင့်တကွ ငါ့ဘက်၌သက်သေခံလျက်၊ ငါသည်မုသားမပါ၊ ခရစ်တော်ရှေ့၌မှန်ကန်စွာပြောသည်ကား၊
၂ ငါသည် အလွန်ဝမ်းနည်းခြင်းရှိ၏။ စိတ်နှလုံး ထဲ၌မခြား မလပ်ပူပန်ခြင်းဝေဒနာရှိ၏။
၃ အကြောင်းမူကား၊ ဇာတိအားဖြင့် ငါ့အမျိုးသားချင်းဖြစ်သော ငါ့ညီအစ်ကိုတို့ အတွက်၊ ငါသည်ကိုယ်တိုင်ခရစ်တော်နှင့် ခွါ၍ ကျိန်ခြင်းကိုခံချင်လောက်အောင်စိတ်ရှိ၏။
၎ ထိုသူတို့သည် ဣသရေလလူဖြစ်၍၊ သားအရာ၌ ချီးမြှောက်ခြင်းနှင့်၎င်း၊ ဘုန်းအာနုဘော်တော်နှင့်၎င်း၊ ပဋိညာဉ်တရားတို့နှင့်၎င်း၊ ပညတ်တရားထားခြင်းနှင့်၎င်း၊ ဝတ်ပြုခြင်းနှင့်၎င်း၊ ဂတိတော်တို့နှင့်၎င်း ဆိုင်ကြ၏။
၅ ဘိုးဘေးများတို့နှင့် ဆက်နွှယ်သောသူ လည်းဖြစ်ကြ၏။ ခရစ်တော်သည်လည်း၊ ဇာတိအမျိုး အားဖြင့် ထိုသူတို့၏  အမျိုးဖြစ်တော်မူ၏။ ထိုခရစ်တော်သည် လည်းခပ်သိမ်းသောအရာတို့ကို အစိုးရ တော်မူ၍ ထာဝရမင်္ဂလာရှိတော်မူသောဘုရားသခင်ဖြစ်တော်မူ၏။ အာမင်။
၆ ထိုသို့ဆိုသော်ဘုရားသခင်၏ ဂတိတော်မတည်ဟု ငါမဆိုလို။ အကြောင်းမူကား၊ ဣသရေလနှင့် ဆက်နွှယ် သောသူအပေါင်းတို့သည် ဣသရေလလူမှန်မဟုတ်။
၇ ထိုနည်းတူအာဗြဟံ၏ အမျိုးအနွှယ် ဖြစ်သော သူအပေါင်းတို့သည် အာဗြဟံ၏ သားမှန်မဟုတ်။ ဣဇာက်၌သာသင်၏ အမျိုးတည်လိမ့်မည်ဟု ဗျာဒိတ်တော်ရှိ၏။
၈ ထိုကြောင့်၊ ဇာတိအမျိုးသားတို့သည် ဘုရားသခင်၏ သားမှန်မဟုတ်။ ဂတိတော်နှင့် ဆိုင်သောသားတို့သည် အမျိုးအနွှယ်မှန်သည်ဟု မှတ်တော်မူ၏။
၉ ဂတိတော်အချက်ဟူမူကား၊ ယခုမှစ၍ ကာလအချိန်စေ့သောအခါ၊ ငါလာ၍ စာရာသည် သားကိုရလိမ့်မည်ဟု လာသတည်း။
၁၀ ထိုမျှမက၊ ရေဗက္ကသည် ငါတို့အဘဣဇာက်နှင့် စုံဘက်၍ ပဋိသန္ဓေစွဲယူသောအခါ၊
၁၁ ဘုရားသခင် ရွေးကောက် တော်မူခြင်းနှင့် ယှဉ်သောအကြံတော်သည် အကျင့်အားဖြင့် မတည်၊ ခေါ်တော်မူသောသူ၏ အလိုတော်အား ဖြင့် တည်မည်အကြောင်း၊ သားမဘွားမှီ၊ ထိုသားတို့သည်ကောင်းသော အကျင့်၊ မကောင်းသော အကျင့် ကိုမကျင့်မှီ၊
၁၂ သားအကြီးသည် သားအငယ်၌ကျွန်ခံရလိမ့်မည်ဟု ထိုမိန်းမအား ဗျာဒိတ်ပေးတော်မူ၏။
၁၃ ထိုသို့နှင့်အညီ၊ ယာကုပ်ကို ငါချစ်၏။ ဧသောကိုမုန်း၏ဟု ကျမ်းစာလာသတည်း။
၁၄ သို့ဖြစ်၍၊ အဘယ်သို့ပြောရမည်နည်း။ ဘုရားသခင်သည်မတရားသောအမှုကိုပြုတော်မူသလော။ ထိုသို့မပြောရ။
၁၅ ဘုရားသခင်က၊ ငါသည်ကျေးဇူးပြုလိုသောသူကိုကျေးဇူးပြုမည်။ သနားလိုသောသူကို လည်းသနားမည် ဟုမောရှေကိုမိန့်တော်မူ၏။
၁၆ ထိုကြောင့်၊ လိုချင်သောသူသည် တတ်နိုင်သည်မဟုတ်။ ပြေးသောသူ သည်လည်း တတ်နိုင်သည်မဟုတ်။ ကျေးဇူးပြုတော်မူသောဘုရားသခင်သာလျှင် တတ်နိုင် တော်မူ၏။
၁၇ ကျမ်းစာ၌ ဖာရောဘုရင်ကိုဆိုသည်ကား၊ ငါ့တန်ခိုးကို သင်၌ ငါပြခြင်းငှါ၎င်း၊ ငါ့နာမကို မြေကြီးတပြင်လုံးတွင်ကျော်စောစေခြင်းငှါ၎င်း၊ သင့်ကိုမြှောက်ခဲ့ပြီဟု ဆိုသတည်း။
၁၈ ထိုသို့နှင့် အညီ၊ ကျေးဇူးပြုလိုသောသူကိုကျေးဇူးပြုတော်မူ၏။ ခိုင်မာစေလို သောသူကိုလည်းခိုင်မာစေတော်မှု၏။
၁၉ သို့ဖြစ်လျှင်၊ ဘုရားသခင်သည် အဘယ်ကြောင့်အပြစ်တင်တော်မူသေးသနည်း။ အဘယ်သူသည် အလိုတော်ကိုဆီးတားဘူးသနည်း ဟုဆိုမည်လော။
၂၀ ဘုရားသခင်ကိုငြင်းဆန်သောအချင်းလူ၊ သင်သည်ကား အဘယ်သူနည်း။ လုပ်အပ်သောအရာသည် လုပ်တတ်သောသူအား၊အဘယ်ကြောင့်ငါ့ကိုဤသို့ လုပ်သနည်း ဟုဆိုရမည်လော။
၂၁ အိုးထိန်းသမားသည်အိုးမြေကို ပိုင်သည်မဟုတ်လော။ အိုးမြေတပုံတည်းနှင့် အိုးမြတ်၊ အိုးယုတ် ကိုလုပ်ပိုင်သည်မဟုတ်လော။
၂၂ ဘုရားသခင်သည် မိမိအမျက်တော်ကိုပြ၍၊ တန်ခိုးတော်ကိုထင်ရှား စေခြင်းငှါအလိုတော် ရှိလျက်၊ ပျက်စီးခြင်းအဘို့ပြင်ဆင်သော အမျက်ခံရာအိုးများတို့ကို အလွန်သည်းခံခြင်း ခန္တီနှင့် သည်းခံတော်မူသည်မှန်လျှင် အဘယ်ပြောဘွယ်ရှိအံ့နည်း။
၂၃ ချီးမြှောက်ခြင်း အဘို့ပြင်ဆင်တော်မူ နှင့်သောကရုဏာခံရာအိုးများ တည်းဟူသော၊
၂၄ ယုဒအမျိုးသားတို့အထဲမှသာမဟုတ်၊ တပါးအမျိုးသား တို့အထဲမှပရောဖက်ဟောရှေဆိုသည်တိုင်း ခေါ်တော်မူသောငါတို့၌ ဘုန်းအာနုဘော်တော်ကြွယ်ဝခြင်းကို ထင်ရှားစေခြင်းငှါ ပြုတော်မူသည်မှန်လျှင်၊ အဘယ်ပြော ဘွယ်ရှိအံ့နည်း။
၂၅ ဟောရှေ၏ ကျမ်းစာ၌ လာသည်ကား၊ ငါ၏လူမဟုတ်သေသူကို ငါ၏လူဟူ၍ ငါခေါ်မည်။ မချစ်သောသတို့သမီးကိုလည်း အချစ်ဟူ၍ငါခေါ်မည်။
၂၆ သင်တို့သည်ငါ၏ လူမဟုတ်ဟု ပြောဆိုရာအရပ်၌ နေသောသူတို့သည်၊ အသက်ရှင်တော်မူသောဘုရားသခင်၏ သားဟုခေါ်ဝေါ်ခြင်း ကိုခံရကြလိမ့်မည် ဟုလာသတည်း။
၂၇ ပရောဖက်ဟေရှာယသည်လည်း၊ ဣသရေလအမျိုးကို ရည်မှတ်၍ ကြွေးကြော်သည်ကား၊ ဣသရေလ အမျိုးသားတို့သည် သမုဒ္ဒရာသဲလုံးနှင့် အမျှများသော်လည်း၊ ကြွင်းသောသူတို့သာလျှင် ကယ်တင် တော်မူခြင်းသို့ ရောက်ကြလိမ့်မည်။
၂၈ အမှုတော်ကိုတရားသဖြင့် ပြီးစီးစေခြင်းငှါဆုံးဖြတ်တော်မူမည်။ ထာဝရဘုရားသည် မြေပေါ်မှာ ဆုံးဖြတ်တော်မူသောအမှုကို ပြုတော်မူလိမ့်မည်ဟုဆိုသတည်း။
၂၉ ထိုသို့နှင့် အညီ၊ ဟေရှာယသည်အထက်က ဆိုပြန်သည်ကား၊ ကောင်ကင်ဗိုလ်ခြေ အရှင်ထာဝရဘုရားသည် ငါတို့၌ မျိုးစေ့ကိုကြွင်းစေတော်မမူလျှင်၊ ငါတို့သည် သောဒုံမြို့ကဲ့သို့ဖြစ်၍ ဂေါမောရမြို့နှင့်တူကြပြီ။
၃၀ ထိုကြောင့်၊ အဘယ်သို့ပြောရမည်နည်း ဟူမူကား၊ ဖြောင့်မတ်ခြင်းကိုမှီအောင် မလိုက်သော တပါးအမျိုး သားတို့သည် ဖြောင့်မတ်ခြင်းကိုမှီကြ၏။ ထိုသို့ဆိုသော် ယုံကြည်ခြင်းအားဖြင့် မှီသော ဖြောင့်မတ်ခြင်းကိုဆိုလိုသတည်း။
၃၁ ဖြောင့်မတ်ခြင်းတရားကို မှီအောင်လိုက်သော ဣသရေလလူတို့ မူကား၊ ဖြောင့်မတ်ခြင်းတရားကို မမှီကြ။
၃၂ အဘယ်ကြောင့်မမှီကြသနည်း။ ယုံကြည်ခြင်း အားဖြင့်မလိုက်၊ ပညတ်တရား၏ အကျင့်အားဖြင့်သာ လိုက်ကြသတည်း။
၃၃ ကျမ်းစာ၌လာသည်ကား၊ ထိမိ၍လဲစရာ ကျောက်မှာ ငါချထား၏။ထိုကျောက်ကိုအမှီပြုသောသူမည်သည်ကား၊ ရှက်ကြောက်ခြင်း မရှိ နိုင်ရာ ဟုလာသည်နှင့် အညီ၊ ထိုကျောက်ကို ဣသရေလလူတို့သည် ထိမိ၍လဲကြ၏။